'ദയവായി വരിസംഖ്യ അയക്കരുത്'. ഇങ്ങനെയൊരു അപേക്ഷ ഒരു പ്രസിദ്ധീകരണത്തില്‍ ഈയിദെ കണ്ടു. കോഴിക്കോട് നിന്നു എ. പി. കുഞ്ഞാമു, ടോമി മാത്യു, സിവിക് ചന്ദ്രന്‍ എന്നിവര്‍ ചേര്‍ന്നു ഇറക്കുന്ന പാഠഭേദം എന്ന പ്രസിദ്ധീകരണത്തിലാണ് ഈ അറിയിപ്പ് വന്നത്. അതിന്റെ പൂര്‍ണ രൂപം ഇങ്ങനെ:
തോന്നുമ്പോള്‍ ഇറങ്ങുന്ന ഒരു പ്രസിദ്ധീകരണത്തിന് നിങ്ങളെന്തിനു വരിസംഖ്യയും സംഭാവനയുമയക്കണം? തുടര്‍ച്ചയായി ഇറങ്ങാതെ ദയവായി പാഠഭേദത്തിനു വരിസംഖ്യ അയക്കരുത്. വായനക്കാര്‍ക്ക് പ്രസിദ്ധീകരണങ്ങളുടെ മേലും സമ്മര്‍ദം ചെലുത്താനാവണം, അല്ലേ?
പാഠഭേദം, കസ്റ്റംസ്‌ റോഡ്, കോഴിക്കോട് - 32 . Ph: 2384073, 2765783
കേരളത്തില്‍ ബദല്‍ രാഷ്ട്രീയ സാമൂഹിക സാമ്പത്തിക സംവിധാനങ്ങള്‍ ഉണ്ടായിക്കാണാന്‍ ആഗ്രഹിക്കുന്ന പലരും പതിവായി ഈ പ്രസിദ്ധീകരണത്തില്‍ എഴുതാറുണ്ട്. ഇത്തരം പ്രസിദ്ധീകരണങ്ങള്‍ നേരിടുന്ന പ്രതിസന്ധിയുടെ പ്രതിഫലനം മുകളില്‍ കൊടുത്ത അറിയിപ്പിലുണ്ട്. മാസിക പതിവായി ഇറങ്ങാത്തതുകൊണ്ട് ആളുകള്‍ വരിസംഖ്യ അയക്കില്ല. വരിസംഖ്യ കിട്ടാതതുകൊണ്ട് സമയത്ത് മാസിക ഇറക്കാനാവില്ല.
താല്പര്യമുള്ളവരുടെ അറിവിലേക്കായി പറയട്ടെ, പാഠഭേദത്തിന്‍റെ ഒറ്റ പ്രതി വില 10 രൂപയാണ്.
4 comments:
പാഠഭേദം പിന്നെയും പ്രസിദ്ധീകരണം തുടങ്ങിയോ?
പാഠഭേദം പണ്ടേ കാണാറുണ്ട്‌. വ്യത്യസ്‌തമായ ചിന്തയും സമീപനവും പുലര്‍ത്തുന്ന, ജനാധിപത്യരീതികള്‍ പിന്തുടരുന്ന ഒരു നല്ല പ്രസിദ്ധീകരണമാണത്‌.
പക്ഷേ, വരിസംഖ്യയില്ലാതെ, പരസ്യങ്ങളധികമില്ലാതെ എങ്ങിനെയാണ്‌ ഇങ്ങിനെയൊരു പ്രസിദ്ധീകരണം നടത്തികൊണ്ടുപോവുക ? അവര്‍ അതിന്റെ വിശദമായ കണക്കുകള്‍ അവതരിപ്പിക്കേണ്ടതുണ്ട്‌. അതും വായനക്കാരന്റെ അവകാശമാണ്‌. അതിനവര്‍ തയ്യാറാവുമെന്ന്‌ കരുതട്ടെ.
പോള്‍ പാഠവും പാഠഭേദവും തമ്മില്‍ കൂട്ടിക്കുഴക്കുകയല്ലെന്ന് കരുതുന്നു.
ഇല്ല മാഷേ... പാഠഭേദം ഒരിടയ്ക്ക് നിന്നു പോയെന്ന് കേട്ടിരുന്നു. അതുകൊണ്ട് ചോദിച്ചതാണ്. വരിസംഖ്യ അയച്ചു നോക്കട്ടെ...
Post a Comment