പൊലീസും ക്രിമിനലിസവും
ബി.ആർ.പി.ഭാസ്കർ
ക്രിമിനല് പശ്ചാത്തലമുള്ളവരെ പൊലീസില് നിന്നൊഴിവാക്കണമെന്ന ഹൈകോടതി നിര്ദേശം ഒരോര്മപ്പെടുത്തലാണ്. സര്ക്കാര് സ്വയമേവ ചെയ്യേണ്ട കാര്യമാണത്. പൊലീസ് പാരമ്പര്യത്തിന്റെ ഭാഗമായ കസ്റ്റഡി പീഡനം പോലുള്ള കുറ്റകൃത്യങ്ങളില് മാത്രമല്ല ക്വട്ടേഷന് സംഘത്തെ ഉപയോഗിച്ച് കൊല നടത്തുന്നതു പോലുള്ള പുതുതലമുറ കുറ്റകൃത്യങ്ങളിലും പൊലീസുദ്യോഗസ്ഥന്മാരുടെ പേരുകള് അടിക്കടി ഉയര്ന്നുവരുന്ന സാഹചര്യം ഈ ഓര്മപ്പെടുത്തല് സമയോചിതമാക്കുന്നു.
പൊലീസ് പാരമ്പര്യവുമായി ബന്ധപ്പെട്ട കുറ്റകൃത്യങ്ങളില് വ്യക്തികളുടെ ദോഷത്തേക്കാള് സ്ഥാപനത്തിന്റെ ദോഷമാണ് പ്രതിഫലിക്കുന്നത്. നാടക-സിനിമാ പ്രവര്ത്തകനെന്ന നിലയില് സത്യനെ അറിഞ്ഞിരുന്നവര് അദ്ദേഹത്തെ ഓര്ക്കുന്നത് ഒരു നല്ല നടനും നല്ല മനുഷ്യനുമായാണ്. അതുകൊണ്ട്, ആലപ്പുഴയില് പൊലീസ് സബ് ഇന്സ്പെക്ടറായിരിക്കെ അദ്ദേഹം ഒരു പ്രതിയെ വഴിനീളെ തല്ലുന്നതു കണ്ടതായി കെ.പി. അപ്പന് എഴുതിയപ്പോള് എനിക്ക് അതുള്ക്കൊള്ളാനായില്ല. സബ് ഇന്സ്പെക്ടറായിരുന്ന സത്യന്റെ ചെയ്തിയെ പൊലീസിന്റെ പാരമ്പര്യവുമായി ബന്ധപ്പെട്ടതാണെന്ന് തിരിച്ചറിഞ്ഞപ്പോള് ബുദ്ധിമുട്ട് മാറിക്കിട്ടി. പുതുതലമുറ കുറ്റങ്ങള് പൊലീസ് പാരമ്പര്യത്തിന്റെ ഭാഗമല്ല. അവ വ്യക്തിയുടെ സ്വഭാവവുമായി ബന്ധപ്പെട്ടിരിക്കുന്നു.
പൊലീസുകാര്ക്കെതിരെ ഗുരുതരമായ ആരോപണങ്ങള് ഉയരുമ്പോള് കേരളത്തിലെ പൊലീസാണ് രാജ്യത്തെ ഏറ്റവും മികച്ചതെന്ന് വിലയിരുത്തുന്ന പഠനങ്ങള് ചൂണ്ടിക്കാട്ടി സര്ക്കാറും പൊലീസ് സംഘടനകളും അവയെ ചെറുക്കാറുണ്ട്. തീര്ത്തും ദുരുപദിഷ്ടമായ സമീപനമാണിത്. നമ്മുടെ പൊലീസ് താരതമ്യേന മെച്ചപ്പെട്ടതാണെന്നതുകൊണ്ട് അതിലെ അംഗങ്ങളുടെ കുറ്റകൃത്യങ്ങളുടെ ഗൗരവം കുറച്ചു കണ്ടുകൂടാ. നേരെമറിച്ച്, അവയെ കൂടുതല് ഗൗരവത്തോടെ കാണാന് അത് നമ്മെ പ്രേരിപ്പിക്കേണ്ടതാണ്.
പ്രശ്നം ലഘൂകരിക്കാനായി സേനയില് ക്രിമിനലുകളുടെ എണ്ണം കുറവാണെന്ന വാദവും ചിലര് ഉന്നയിക്കാറുണ്ട്. ജനങ്ങളെ സംരക്ഷിക്കാന് സര്ക്കാര് നിലനിര്ത്തുന്ന സംവിധാനത്തില് കുറ്റവാസനയുള്ള ഒരു വ്യക്തിയുടെ സാന്നിധ്യം പോലും അനുവദനീയമല്ല. കാക്കി യൂനിഫോം ധരിക്കുന്നയാള് കുറ്റവാസനയുള്ള മറ്റാളുകളേക്കാള് അപകടകാരിയാണ്.
നാഷനല് െ്രെകം റികോര്ഡ്സ് ബ്യൂറോയുടെ റിപ്പോര്ട്ടനുസരിച്ച് ഹീന കുറ്റങ്ങളില് കേരളം മുന്നിലാണ്. ഏറ്റവും നല്ല പൊലീസുള്ള സംസ്ഥാനത്ത് ഏറ്റവുമധികം ഹീനകുറ്റങ്ങള് നടക്കുന്നതിലെ വിരോധാഭാസം നാം തിരിച്ചറിയണം.
കേരളത്തില് 2007ല് 860 പൊലീസുകാര് ക്രിമിനല് കേസുകളില് ഉള്പ്പെട്ടിരുന്നതായി സംസ്ഥാന പൊലീസ് തന്നെ റിപ്പോര്ട്ട് ചെയ്തിരുന്നു. ആകെയുള്ള 40,000ന് താഴെ സേനാംഗങ്ങളില് രണ്ട് ശതമാനത്തിലധികം നടപടികള് നേരിടുകയായിരുന്നെന്നര്ഥം. ശക്തമായ അച്ചടക്ക സംവിധാനം ആവശ്യപ്പെടുന്ന ഒരു വിഭാഗത്തെ സംബന്ധിച്ചിടത്തോളം ഇത് ചെറുതല്ല. കുറ്റവാളികളായ സഹപ്രവര്ത്തകരെ സംരക്ഷിക്കാനുള്ള സഹജമായ വാസന കണക്കിലെടുക്കുമ്പോള് പൊലീസിലെ ക്രിമിനലുകളുടെ ശതമാനം ഇതിലും കൂടുതലാണെന്ന് കരുതണം.
പൊലീസുകാര്ക്കെതിരായ കേസുകളില് ഇന്ത്യന് പീനല് കോഡില്പെടുന്ന ബലാത്സംഗം, കൊലപാതകം, വഞ്ചന തുടങ്ങിയ കുറ്റങ്ങള്ക്കു പുറമെ ആയുധങ്ങളും സ്ഫോടകവസ്തുക്കളും സൂക്ഷിച്ചതിന് ആംസ് ആക്ട്, എക്സ്പ്ലോസിവ്സ് ആക്ട് എന്നിവ പ്രകാരമുള്ളവയും ഉള്പ്പെട്ടിരുന്നു. പൊലീസുകാര് പ്രതികളായ കേസുകളില് പതിവിലധികം കാലതാമസം ഉണ്ടാകാറുണ്ട്. പലപ്പോഴും വൈകിയാണ് കേസ് രജിസ്റ്റര് ചെയ്യുന്നത്. അന്വേഷണവും മെല്ലെത്തന്നെ. അന്വേഷണവും വിചാരണയും നടക്കുന്നതിനിടയില് ഡിവൈ.എസ്.പി പടവുകല് കയറി ഐ.ജിയും ഡി.ജി.പിയും ഒക്കെ ആയ കഥകളും പൊലീസിന്റെ ചരിത്രത്തിലുണ്ട്. ക്രിമിനല് കേസുണ്ടെന്ന് അറിയുമ്പോള് പൊലീസുകാര് ഒളിവില് പോകുന്നത് അപൂര്വമല്ല. നിയമത്തിന് കീഴടങ്ങാതെ ഒളിച്ചു നടക്കുന്നയാള് പൊലീസില് തുടരാന് യോഗ്യനാണോ? സഹപ്രവര്ത്തകരുടെ സഹായവും സഹകരണവും കൂടാതെ ഒരു പൊലീസുകാരനും ഒളിവില് കഴിയാനാവില്ല. ഒളിവില്പോകാന് സഹായിക്കുന്നവരെ നിയമവ്യവസ്ഥയോട് പ്രതിബദ്ധതയുള്ളവരായി കാണാനാവില്ല.
പൊലീസുകാരുടെ വര്ഗബോധം മാര്ക്സിസം പഠിച്ചുണ്ടാകുന്നതല്ല, ഫ്യൂഡല് പാരമ്പര്യത്തില് നിന്ന് വരുന്നതാണ്. കുറ്റവാളികള്ക്കെതിരെ നടപടിയെടുക്കുന്നത് മനോബലത്തെ പ്രതികൂലമായി ബാധിക്കുമെന്നു പറഞ്ഞുകൊണ്ട് മേലധികാരികളും നിസ്സംഗത പാലിക്കാറുണ്ട്.
അവരുടെ സമീപനം മനസ്സിലാക്കാന് സേനയുടെ ഭൂതകാലം ഓര്മയിലുണ്ടാകണം. ഒന്നര നൂറ്റാണ്ടു മുമ്പ് ബ്രിട്ടീഷുകാരും നാട്ടുരാജാക്കന്മാരും കൊളോണിയല് ഫ്യൂഡല് താല്പര്യങ്ങള് സംരക്ഷിക്കാന് ഉണ്ടാക്കിയ സംവിധാനത്തിന്റെ നേര് തുടര്ച്ചയാണ് ഇന്നത്തെ പൊലീസ്. ആയുധബലം കൊണ്ട് അധികാരം നേടുകയും നിലനിര്ത്തുകയും ചെയ്തവര്ക്ക് സേനയുടെ മനോവീര്യത്തിന് മറ്റെന്തിനേക്കാളും പ്രാധാന്യം നല്കേണ്ടത് ആവശ്യമായിരുന്നു. അതേ സമീപനം ജനാധിപത്യ വ്യവസ്ഥയിലും തുടരുന്നത് ഭരണാധികാരികള് നിലനില്പിന് ഇപ്പോഴും ജനപിന്തുണയേക്കാള് സായുധസേനയെ ആശ്രയിക്കുന്നതുകൊണ്ടാണ്.
പതിറ്റാണ്ടുകള്ക്കു മുമ്പുണ്ടായ എസ്.ഐ. സോമന് വധക്കേസ് മുതല് ഇപ്പോള് ഇഴഞ്ഞുനീങ്ങിക്കൊണ്ടിരിക്കുന്ന ഉദയകുമാര് ഉരുട്ടിക്കൊലക്കേസ് വരെയുള്ള കേസുകളുടെ ചരിത്രം പരിശോധിച്ചാല് കീഴ്കോടതിയില് വിചാരണ നടക്കുമ്പോള് തന്നെ പ്രതികള് പ്രാരംഭപ്രശ്നങ്ങളുമായി സുപ്രീംകോടതി വരെ പോയതായി കാണാം. വ്യവഹാരങ്ങളുടെ ഭാരിച്ച ചെലവ് വഹിക്കാന് പൊലീസുകാര് പിരിവ് നടത്താറുണ്ട്.
പണമില്ലാത്തതുകൊണ്ട് പ്രതികള്ക്ക് ഉയര്ന്ന കോടതികളെ സമീപിക്കാന് കഴിയാത്ത സാഹചര്യം തീര്ച്ചയായും അഭികാമ്യമല്ല. അതേസമയം, പൊലീസുകാര് അഭിലഷണീയമായ മാര്ഗങ്ങളിലൂടെയാണ് പണം സമാഹരിക്കുന്നതെന്ന് ഉറപ്പാക്കേണ്ടതുണ്ട്. പൊലീസിന് വലിയ സാമ്പത്തിക സഹായം നല്കാന് തയാറാകുന്നവര് സത്യസന്ധമായ ജീവിതം നയിക്കുന്നവരാകാനുള്ള സാധ്യത കുറവാണ്.
നായനാര് സര്ക്കാറിന്റെ കാലത്ത് തുടങ്ങിയ പ്രക്രിയയുടെ ഫലമായി ഒരു ചെറിയ കാലയളവില് പൊലീസ് സേനയുടെ അംഗബലം ഇരട്ടിയായി. സേനയുടെ പ്രകടമായ ദൗര്ബല്യങ്ങള് പരിഹരിക്കാതെ വിപുലീകരണം നടത്തിയതുകൊണ്ട് ദുഷിച്ച ചെറിയ പൊലീസിന്റെ സ്ഥാനത്ത് ദുഷിച്ച വലിയ പൊലീസ് ഉണ്ടായി. ജനമൈത്രിപോലുള്ള പദ്ധതികള് കൊണ്ട് അതിന്റെ ജീര്ണത മറച്ചു വെക്കാനാവില്ല.
ഇപ്പോള് ഹൈകോടതിയുടെ മുന്നിലുള്ളത് സേനയിലേക്ക് തെരഞ്ഞെടുക്കപ്പെട്ടിട്ടും ക്രിമിനല് കേസുകളില് ഉള്പ്പെട്ടതിന്റെ പേരില് നിയമനം വൈകുന്നവരുടെ പ്രശ്നമാണ്. രാഷ്്രടീയ ബന്ധമുള്ളവരുടെ നിയമനവും ഇതോടൊപ്പം പരിഗണിക്കേണ്ടതാണ്. പൊലീസ് സേനയുടെ വികസനം നടന്ന കാലവും സാഹചര്യവും ഇവിടെ പ്രസക്തമാകുന്നു. അനുയായികളെ ഏതുവിധേനയും സര്വീസില് കടത്തണമെന്ന ഉദ്ദേശ്യമുള്ള കക്ഷികള് ഭരണത്തിലിരിക്കുമ്പോള് അവര്ക്ക് താല്പര്യമുള്ളവര് കൂടുതലായി തെരഞ്ഞെടുക്കപ്പെടും. കമ്യൂണിസ്റ്റ് പാര്ട്ടി അക്രമപാതയിലായിരുന്ന ഘട്ടത്തില് അതുമായുള്ള ബന്ധം സര്ക്കാര് ജോലിക്ക് അയോഗ്യതയായി കണക്കാക്കിയിരുന്നു. കമ്യൂണിസ്റ്റ് പാര്ട്ടികള് പാര്ലമെന്ററി പ്രക്രിയയില് പങ്കെടുക്കുകയും അധികാരത്തില് പങ്കാളികളാവുകയും ചെയ്യുന്ന ഇക്കാലത്ത് അവയുമായുള്ള ബന്ധം സര്ക്കാര് നിയമനത്തിന് തടസ്സമാകേണ്ട കാര്യമില്ല.
ക്രിമിനല് നടപടികള് നേരിടുന്ന അപേക്ഷകരില് ചിലരെങ്കിലും രാഷ്ട്രീയ കക്ഷികളുടെ പ്രക്ഷോഭ പരിപാടികളില് പങ്കെടുത്തതിന്റെ ഫലമായാവും കേസുകളില് പെട്ടത്. അത്തരം സാഹചര്യങ്ങളില് കേസില്പെടുന്നതും രണ്ടു കൊല്ലത്തില് കുറവായ ജയില്ശിക്ഷ ലംഘിക്കുന്നതും എം.എല്.എയും മന്ത്രിയും ആകുന്നതിന് തടസ്സമല്ല. ആ സ്ഥിതിക്ക് അതിന്റെ പേരില് സര്ക്കാര് ജോലി നിഷേധിക്കേണ്ടതില്ല.
എന്നാല്, പൊലീസ് സേനയുടെ സവിശേഷ സ്വഭാവം കണക്കിലെടുത്തുകൊണ്ട് ക്രിമിനല് കേസുകളില് ഉള്പ്പെട്ടവരെ കേസുകള് രാഷ്ട്രീയ പരിപാടികളില് പങ്കെടുത്തതിന്റെ ഫലമായി ഉണ്ടായവയാണെങ്കില് പോലും അതില് നിന്നൊഴിവാക്കുന്നതില് തെറ്റില്ല. ക്വട്ടേഷന് സംഘങ്ങള് അടുത്തകാലത്ത് ഉയര്ന്നുവന്നിട്ടുള്ള ഒരു വിഭാഗമാണ്. അവയെ നയിക്കുന്നവരില് പലരും പാര്ട്ടികളുമായി ബന്ധപ്പെട്ട് പ്രവര്ത്തിച്ചശേഷം അവയുടെ അച്ചടക്ക നിയന്ത്രണത്തിനു പുറത്തുകടന്ന് കരാറുകാരായി മാറിയവരാണ്.
പൊലീസും അത്തരം സംഘങ്ങളും തമ്മിലുള്ള ബന്ധത്തില് രാഷ്ട്രീയക്കാരും കണ്ണി ചേരാറുണ്ട്. കാക്കിധാരികളും അല്ലാത്തവരുമായ ക്രിമിനലുകള് കൈകോര്ക്കുന്നത് നിയമവാഴ്ചയുടെ തകര്ച്ചയിലേക്കാണ് നയിക്കുക.
പൊലീസ് സേനയുടെ പ്രധാന പ്രശ്നം നീതിബോധത്തിന്റെ കുറവാണ്. സി.ആര്.പി.എഫ് മുന് കോണ്സ്റ്റബ്ള് പി. രാമചന്ദ്രന് നായരുടെ ഉയര്ന്ന നീതിബോധമാണ് തിരുനെല്ലി കാട്ടില് പതിറ്റാണ്ടുകള്ക്കു മുമ്പ് പൊലീസ് നടത്തിയ അറുകൊലയുടെ ചുരുളഴിച്ചത്. മേലുദ്യോഗസ്ഥരുടെ ഭീഷണിക്കു വഴങ്ങി നക്സലൈറ്റ് നേതാവ് വര്ഗീസിനെ വെടിവെച്ചു കൊന്ന രാമചന്ദ്രന് നായര് അക്കാലത്തുതന്നെ വിവരം ഗ്രോ വാസുവിനെ അറിയിച്ചിരുന്നു. അന്നത്തെ സാഹചര്യങ്ങളില് വാസുവിന് ആ വിവരം പ്രയോജനപ്പെടുത്താനായില്ല. സാഹചര്യങ്ങള് മാറിയശേഷം, സര്വീസില്നിന്ന് റിട്ടയര്ചെയ്ത രാമചന്ദ്രന് നായര്, ചെയ്ത കുറ്റത്തിന് ശിക്ഷ ഏറ്റുവാങ്ങാന് തയാറായി വീണ്ടും മുന്നോട്ടു വന്നതിന്റെ ഫലമായി, ഐ.ജി പദവി വരെ എത്തിയ ഒരു മുന് ഉദ്യോഗസ്ഥന് കോടതി ജീവപര്യന്തം തടവ് വിധിച്ചു. മരണം രാമചന്ദ്രന് നായരെ ശിക്ഷയില്നിന്ന് രക്ഷിച്ചു. നിയമവാഴ്ചയില് ആ സാധാരണ പൊലീസുകാരനുണ്ടായിരുന്നത്ര വിശ്വാസമുള്ള എത്ര ഉയര്ന്ന ഉദ്യോഗസ്ഥന്മാരുണ്ട്?
(മാധ്യമം, ജൂലൈ 1, 2011)
എന്റെ മറ്റു ബ്ലോഗുകളിലെ പുതിയ പോസ്റ്റുകള്
BHASKAR
Educational institutions held to ransom
The blessing and curse of real estate boom
How relevant are Gandhi's teachings today?
Modi begins US visit with a PR victory
More stimulus but still not enoughel
KERALA LETTER
A Dalit poet in English, based in Kerala
Foreword to Media Tides on Kerala Coast
Teacher seeks V.S.Achuthanandan's intervention to end harassment by partymen
MY SPACE
P.E.Usha's article on Sexual Harassment in PSC (Malayalam)
Globalised Kerala warily watches the meltdown
Not a whimper of protest against Murdoch's entry into Kerala
Foreword to Media Tides on Kerala Coast
Teacher seeks V.S.Achuthanandan's intervention to end harassment by partymen
MY SPACE
P.E.Usha's article on Sexual Harassment in PSC (Malayalam)
Globalised Kerala warily watches the meltdown
Not a whimper of protest against Murdoch's entry into Kerala
Showing posts with label Police. Show all posts
Showing posts with label Police. Show all posts
Friday, July 1, 2011
Friday, May 1, 2009
ലോക്കപ്പ് മർദ്ദനവും പൊലീസ് അസ്സോസിയേഷനും
പൊലീസുകാരുടെ മൌലികപ്രശ്നങ്ങൾക്ക് പരിഹാരം കാണുക എന്ന ലക്ഷ്യം നിറവേറ്റണമെങ്കിൽ പൊതുജനങ്ങളുടെ സഹകരണവും സഹാനുഭൂതിയും കൂടിയേ കഴിയൂ. ഈ കാര്യത്തിൽ (കേരളാ പൊലീസ്) അസ്സോസിയേഷന് യാതൊരു സംശയവുമില്ല. പൊലീസ് സ്റ്റേഷനുകളിൽ പരാതികളുമായി വരുന്നവരോട് അന്തസ്സായി പെരുമാറാനും ലോക്കപ്പ് മർദ്ദനം അവസാനിപ്പിക്കാനും സംസ്ഥാനത്തെ മുഴുവൻ പൊലീസുകാരോടും, ലോക്കൽ പൊലീസുകാരോടും വിശേഷിച്ചും കമ്മിറ്റി അഭ്യർത്ഥിക്കുന്നു. പൊതുജനങ്ങളുമായി ബന്ധപ്പെടാൻ ഇടവരുന്ന ബറ്റാലിയനുകളിലെ പൊലീസുകാരും ജനങ്ങളുടെ ഉറ്റസുഹൃത്തുക്കളായി പെരുമാറണമെന്ന് കമ്മിറ്റി ആഗ്രഹിക്കുന്നു. സംസ്ഥാനത്തിന്റെ ചില ഭാഗങ്ങളിൽ പൊലീസിന്റെ സൽപ്പേരിന് കളങ്കം ചേർക്കുന്ന ചില സംഭവങ്ങൾ നടന്നിട്ടുണ്ട്. അത്തരം സംഭവങ്ങൾ ആവർത്തിക്കാതിരിക്കാൻ ഓരോ പൊലീസുകാരനും പ്രതിജ്ഞ എടുജ്ജണമെന്ന് കമ്മിറ്റി അഭ്യർത്ഥിക്കുന്നു.
കേരളാ പൊലീസ് അസ്സോസിയേഷൻ സംസ്ഥാന കൌൺസിൽ 15.2.1980ന് --അതായത് 29 കൊല്ലം മുമ്പ് -- എറണാകുളം മദ്രാസ് കഫേ ആഡിറ്റോറിയത്തിൽ കൂടിയ യോഗത്തിൽ അംഗീകരിച്ച പ്രമേയത്തിലെ വരികളാണ് മുകളിൽ കൊടുത്തിരിക്കുന്നത്.
ഈ വരികൾ ഞാൻ ചികഞ്ഞെടുത്തതല്ല. അസ്സോസിയേഷന്റെ മുഖപത്രമായ “കാവൽ കൈരളി”യുടെ ഏപിൽ 2009ലെ ലക്കത്തിൽ --- അതായത് ഏറ്റവും പുതിയ ലക്കത്തിൽ --- നിന്ന് പകർത്തിയെഴുതുക മാത്രമാണ് ഞാൻ ചെയ്യുന്നത്.
പൊലീസ് അസ്സോസിയേഷൻ 29 കൊല്ലം മുമ്പു തന്നെ അംഗങ്ങളോട് ലോക്കപ്പ് മർദ്ദനം അവസാനിപ്പിക്കാനും പൊതുജനങ്ങളോട് മര്യാദയോടെ പെരുമാറാനും അഭ്യർത്ഥിച്ചിരുന്നുവെന്നറിയുന്നത് സന്തോഷകരം തന്നെ. ഈ അഭ്യർത്ഥന എന്ത് ഗുണം ചെയ്തുവെന്ന് അസ്സോസിയേഷൻ വിലയിരുത്തിയിട്ടുണ്ടോ എന്നറിയില്ല. മുഖപത്രത്തിൽ ഇത് സംബന്ധിച്ച സൂചനയൊന്നുമില്ല.
ഈ അഭ്യർത്ഥനയ്ക്കുശേഷവും ലോക്കപ്പ് മർദ്ദനങ്ങൾ നടന്നതായി നമുക്കറിയാം. ഇത് സംബന്ധിച്ച് പരാതികൾ ഉയരുകയും അധികൃതർ ബന്ധപ്പെട്ട പൊലീസുകാർക്കെതിരെ നടപടി സ്വീകരിക്കുകയും ചെയ്ത സംഭവങ്ങളുണ്ട്. അത്തരം ചില സന്ദർഭങ്ങളിൽ കുറ്റാരോപിതരായ പൊലീസുകാരെ സംരക്ഷിക്കാൻ അസ്സോസിയേഷൻ ശ്രമിച്ചതായി അറിയാം. കുറ്റം ചെയ്തവർക്ക് അർഹമായ ശിക്ഷ വാങ്ങി കൊടുക്കാൻ അസ്സോസിയേഷൻ ശ്രമിച്ച ഒരവസരത്തെക്കുറിച്ചും കേൾക്കാനിടയായിട്ടില്ല. അങ്ങനെ വല്ലതും ഉണ്ടായിട്ടുണ്ടെങ്കിൽ അസ്സോസിയേഷൻ അക്കാര്യം വ്യാപകമായി പ്രചരിപ്പിക്കണം. പാലിക്കാൻ കൂട്ടാക്കാത്ത പ്രതിജ്ഞകളും നടപ്പിലാക്കാൻ ഉദ്ദ്യേശമില്ലാത്ത ആഹ്വാനങ്ങളും പ്രയോജനം ചെയ്യില്ല.
കാവൽ കൈരളിയെ സംബന്ധിക്കുന്ന വിവരങ്ങൾ:
ഒറ്റപ്രതി വില: 10 രൂപ
ചീഫ് എഡിറ്റർ: സി.ആർ.ബിജു
എഡിറ്റർ: കെ. രാജൻ
മാനേജിങ് എഡിറ്റർ: മധു കുറുപ്പത്ത്
മേൽവിലാസം:
കേരളാ പൊലീസ് അസ്സോസിയേഷൻ
സംസ്ഥാന കമ്മിറ്റി ഓഫീസ്,
തേവര പൊലീസ് സ്റ്റേഷൻ ബിൽഡിങ്,
കൊച്ചി 15
ഫോൺ: 0484-2358641 മൊബൈൽ: 9446078641
കേരളാ പൊലീസ് അസ്സോസിയേഷൻ സംസ്ഥാന കൌൺസിൽ 15.2.1980ന് --അതായത് 29 കൊല്ലം മുമ്പ് -- എറണാകുളം മദ്രാസ് കഫേ ആഡിറ്റോറിയത്തിൽ കൂടിയ യോഗത്തിൽ അംഗീകരിച്ച പ്രമേയത്തിലെ വരികളാണ് മുകളിൽ കൊടുത്തിരിക്കുന്നത്.
ഈ വരികൾ ഞാൻ ചികഞ്ഞെടുത്തതല്ല. അസ്സോസിയേഷന്റെ മുഖപത്രമായ “കാവൽ കൈരളി”യുടെ ഏപിൽ 2009ലെ ലക്കത്തിൽ --- അതായത് ഏറ്റവും പുതിയ ലക്കത്തിൽ --- നിന്ന് പകർത്തിയെഴുതുക മാത്രമാണ് ഞാൻ ചെയ്യുന്നത്.
പൊലീസ് അസ്സോസിയേഷൻ 29 കൊല്ലം മുമ്പു തന്നെ അംഗങ്ങളോട് ലോക്കപ്പ് മർദ്ദനം അവസാനിപ്പിക്കാനും പൊതുജനങ്ങളോട് മര്യാദയോടെ പെരുമാറാനും അഭ്യർത്ഥിച്ചിരുന്നുവെന്നറിയുന്നത് സന്തോഷകരം തന്നെ. ഈ അഭ്യർത്ഥന എന്ത് ഗുണം ചെയ്തുവെന്ന് അസ്സോസിയേഷൻ വിലയിരുത്തിയിട്ടുണ്ടോ എന്നറിയില്ല. മുഖപത്രത്തിൽ ഇത് സംബന്ധിച്ച സൂചനയൊന്നുമില്ല.
ഈ അഭ്യർത്ഥനയ്ക്കുശേഷവും ലോക്കപ്പ് മർദ്ദനങ്ങൾ നടന്നതായി നമുക്കറിയാം. ഇത് സംബന്ധിച്ച് പരാതികൾ ഉയരുകയും അധികൃതർ ബന്ധപ്പെട്ട പൊലീസുകാർക്കെതിരെ നടപടി സ്വീകരിക്കുകയും ചെയ്ത സംഭവങ്ങളുണ്ട്. അത്തരം ചില സന്ദർഭങ്ങളിൽ കുറ്റാരോപിതരായ പൊലീസുകാരെ സംരക്ഷിക്കാൻ അസ്സോസിയേഷൻ ശ്രമിച്ചതായി അറിയാം. കുറ്റം ചെയ്തവർക്ക് അർഹമായ ശിക്ഷ വാങ്ങി കൊടുക്കാൻ അസ്സോസിയേഷൻ ശ്രമിച്ച ഒരവസരത്തെക്കുറിച്ചും കേൾക്കാനിടയായിട്ടില്ല. അങ്ങനെ വല്ലതും ഉണ്ടായിട്ടുണ്ടെങ്കിൽ അസ്സോസിയേഷൻ അക്കാര്യം വ്യാപകമായി പ്രചരിപ്പിക്കണം. പാലിക്കാൻ കൂട്ടാക്കാത്ത പ്രതിജ്ഞകളും നടപ്പിലാക്കാൻ ഉദ്ദ്യേശമില്ലാത്ത ആഹ്വാനങ്ങളും പ്രയോജനം ചെയ്യില്ല.
കാവൽ കൈരളിയെ സംബന്ധിക്കുന്ന വിവരങ്ങൾ:
ഒറ്റപ്രതി വില: 10 രൂപ
ചീഫ് എഡിറ്റർ: സി.ആർ.ബിജു
എഡിറ്റർ: കെ. രാജൻ
മാനേജിങ് എഡിറ്റർ: മധു കുറുപ്പത്ത്
മേൽവിലാസം:
കേരളാ പൊലീസ് അസ്സോസിയേഷൻ
സംസ്ഥാന കമ്മിറ്റി ഓഫീസ്,
തേവര പൊലീസ് സ്റ്റേഷൻ ബിൽഡിങ്,
കൊച്ചി 15
ഫോൺ: 0484-2358641 മൊബൈൽ: 9446078641
Friday, December 5, 2008
ഭീകരപ്രവര്ത്തനവും മനുഷ്യാവകാശപ്രവര്ത്തനവും
‘ഭീകരവാദികള്ക്ക് എന്ത് മനുഷ്യാവകാശം?‘ മനുഷ്യാവകാശലംഘനങ്ങള്ക്കെതിരെ ശബ്ദമുയര്ത്തുമ്പോള് പലപ്പോഴും കേള്ക്കാറുള്ള ഒരു ചോദ്യമാണിത്.
അടുത്തകാലാംവരെ ഈ ചോദ്യം ഏറ്റവും ഉച്ചത്തില് ഉയര്ത്തിയിരുന്നത് ഹിന്ദു വോട്ട് സമാഹരണം ലക്ഷ്യമിട്ട് തീവ്രവാദം ഇസ്ലാമിക പ്രവര്ത്തനമാണെന്ന തരത്തില് പ്രചാരണം നടത്തിവന്നിരുന്ന സംഘ പരിവാര് സംഘടനകളാണ്. മലേഗാവ് സ്ഫോടനങ്ങള്ക്ക് പിന്നില് പ്രവര്ത്തിച്ചത് ഹിന്ദുക്കളാണെന്ന നിഗമനത്തില് അന്വേഷണോദ്യോഗസ്ഥര് എത്തുകയും സംഘ പരിവാര് ബന്ധമുള്ള ഏതാനും പേരെ അറസ്റ്റ് ചെയ്യുകയും ചെയ്തപ്പോള് അവരുടെ നിലപാടില് ഒരു ചെറിയ മാറ്റമുണ്ടായി. ഭീകരപ്രവര്ത്തനത്തിന് അറസ്റ്റ് ചെയ്യപ്പെട്ട ഹിന്ദുക്കളുടെ മനുഷ്യാവകാശലംഘനങ്ങളെക്കുറിച്ച് അവര് പരാതികള് ഉന്നയിച്ചുതുടങ്ങി. ഭീകരര്ക്ക് മതമില്ലെന്ന് പ്രഖ്യാപിക്കാനും അവര് തയ്യാറായി.
പൊലീസ് ഐ.ജി. ഡോ. ബി. സന്ധ്യ ‘ഭീകരവാദം നേരിടാന് ജാഗ്രത’ എന്ന തലക്കെട്ടില് ഇന്നത്തെ മാതൃഭൂമി ദിനപ്പത്രത്തില് എഴുതിയ ലേഖനത്തില് ചില മനുഷ്യാവകാശ സംഘടനകളുടെയെങ്കിലും പ്രവര്ത്തനം ഭീകരവാദികള്ക്ക് സഹായകമാണെന്ന ദു:സൂചനയുണ്ട്. സന്ധ്യ എഴുതുന്നു: “ഭീകരവാദികളെ രക്ഷിക്കാന് മാത്രം പ്രവര്ത്തിക്കുന്ന മനുഷ്യാവകാശ ഗ്രൂപ്പുകളുടെ പ്രവര്ത്തനങ്ങള് നാം സശ്രദ്ധം വീക്ഷിക്കേണ്ടതുണ്ട്. സുരക്ഷാ ഉദ്യോഗസ്ഥരെക്കുറിച്ചും സുരക്ഷാ ഏജന്സികളെക്കുറിച്ചും വളരെ മോശമായ അഭിപ്രായം ജനങ്ങളുടെ ഇടയില് പ്രചരിപ്പിക്കുന്നതും അവരില് ജനങ്ങള്ക്ക് വിശ്വാസമില്ലാതാക്കാന് ശ്രമിക്കുന്നതും അരക്ഷിതാവസ്ഥ വളര്ത്തുന്നതിനുള്ള തന്ത്രമാണെന്ന് തിരിച്ചറിയണം.”
നിയമവിരുദ്ധമായ പ്രവര്ത്തനങ്ങളില് ഏര്പ്പെട്ടിരിക്കുന്ന സംഘടനകള് പരസ്യമായ പ്രവര്ത്തനങ്ങള്ക്കായി ‘ഫ്രന്റ്’ സംഘടനകള് ഉണ്ടാക്കുന്നത് ഒരു പുതിയ കാര്യമല്ല. അത്തരം സംഘടനകളുടെ പ്രവര്ത്തനം എല്ലാക്കാലത്തും പൊലീസ് സശ്രദ്ധം
വീക്ഷിച്ചുപോന്നിട്ടുണ്ട്. പൊലീസിനെ കൂടാതെ ജനങ്ങളും അവയുടെ പ്രവര്ത്തനം സശ്രദ്ധം വീക്ഷിക്കണം എന്നാവണം സന്ധ്യ ഉദ്ദേശിക്കുന്നത്. ഈ നിര്ദ്ദേശം തെറ്റാണെന്ന് പറയാനാവില്ല. അതേസമയം സശ്രദ്ധ വീക്ഷണം, ചില സംസ്ഥാനങ്ങളില് സംഭവിച്ചിട്ടുള്ളതുപോലെ, പൊലീസിന്റെ ഒത്താശയോടെ പാര്ട്ടി പ്രവര്ത്തകരും ‘ജാഗ്രതാ സമിതി’കളും നിയമം കയ്യിലെടുക്കുന്ന അവസ്ഥയിലേക്ക് നീങ്ങുന്നില്ലെന്ന് ഉറപ്പുവരുത്തേണ്ടതുണ്ട്.
ജനങ്ങള് പൊലീസിനെയും മറ്റു സുരക്ഷാ ഏജന്സികളെയും വിലയിരുത്തുന്നത് അവയുടെ പ്രവര്ത്തനങ്ങളെക്കുറിച്ച് നേരിട്ടും അല്ലാതെയും കിട്ടുന്ന അറിവിന്റെ അടിസ്ഥനത്തിലാണ്, ഏതെങ്കിലും സംഘടനകള് നടത്തുന്ന പ്രചാരണത്തിന്റെ അടിസ്ഥാനത്തിലല്ല. കാലാകാലങ്ങളില് പുറത്തുവരുന്ന ഉരുട്ടിക്കൊലകളുടെയും പീഡനങ്ങളുടെയും കഥകള്ക്കപ്പുറം ആര്, എന്ത് പ്രചരണമാണ് ഇവിടെ നടത്തുന്നത്?
സന്ധ്യ എഴുതുന്നു: “നമ്മുടേത് ഒരു ജനാധിപത്യരാജ്യമാണ്. മനുഷ്യാവകാശങ്ങള്ക്ക് നാം ഏറെ വില കല്പിക്കുന്നു.” ഈ ബോധം ഉണ്ടാവുകയും മനുഷ്യാവകാശങ്ങള് മാനിക്കുകയും ചെയ്യുന്നിടത്തോളം ഭീകരവാദികളെ രക്ഷിക്കാന് മാത്രമുള്ളവയുള്പ്പെടെ ഒരു മനുഷ്യാവകാശ സംഘടനയുടെ പ്രവര്ത്തനവും സുരക്ഷാസേനകളെ അലോസരപ്പെടുത്തേണ്ടതില്ല. മനുഷ്യാവകാശങ്ങള് മാനിക്കണമെന്നല്ലാതെ ഭീകരപ്രവര്ത്തനം തടയരുതെന്ന് ഒരു സംഘടനയും ആവശ്യപ്പെടുന്നില്ല.
അടുത്തകാലാംവരെ ഈ ചോദ്യം ഏറ്റവും ഉച്ചത്തില് ഉയര്ത്തിയിരുന്നത് ഹിന്ദു വോട്ട് സമാഹരണം ലക്ഷ്യമിട്ട് തീവ്രവാദം ഇസ്ലാമിക പ്രവര്ത്തനമാണെന്ന തരത്തില് പ്രചാരണം നടത്തിവന്നിരുന്ന സംഘ പരിവാര് സംഘടനകളാണ്. മലേഗാവ് സ്ഫോടനങ്ങള്ക്ക് പിന്നില് പ്രവര്ത്തിച്ചത് ഹിന്ദുക്കളാണെന്ന നിഗമനത്തില് അന്വേഷണോദ്യോഗസ്ഥര് എത്തുകയും സംഘ പരിവാര് ബന്ധമുള്ള ഏതാനും പേരെ അറസ്റ്റ് ചെയ്യുകയും ചെയ്തപ്പോള് അവരുടെ നിലപാടില് ഒരു ചെറിയ മാറ്റമുണ്ടായി. ഭീകരപ്രവര്ത്തനത്തിന് അറസ്റ്റ് ചെയ്യപ്പെട്ട ഹിന്ദുക്കളുടെ മനുഷ്യാവകാശലംഘനങ്ങളെക്കുറിച്ച് അവര് പരാതികള് ഉന്നയിച്ചുതുടങ്ങി. ഭീകരര്ക്ക് മതമില്ലെന്ന് പ്രഖ്യാപിക്കാനും അവര് തയ്യാറായി.
പൊലീസ് ഐ.ജി. ഡോ. ബി. സന്ധ്യ ‘ഭീകരവാദം നേരിടാന് ജാഗ്രത’ എന്ന തലക്കെട്ടില് ഇന്നത്തെ മാതൃഭൂമി ദിനപ്പത്രത്തില് എഴുതിയ ലേഖനത്തില് ചില മനുഷ്യാവകാശ സംഘടനകളുടെയെങ്കിലും പ്രവര്ത്തനം ഭീകരവാദികള്ക്ക് സഹായകമാണെന്ന ദു:സൂചനയുണ്ട്. സന്ധ്യ എഴുതുന്നു: “ഭീകരവാദികളെ രക്ഷിക്കാന് മാത്രം പ്രവര്ത്തിക്കുന്ന മനുഷ്യാവകാശ ഗ്രൂപ്പുകളുടെ പ്രവര്ത്തനങ്ങള് നാം സശ്രദ്ധം വീക്ഷിക്കേണ്ടതുണ്ട്. സുരക്ഷാ ഉദ്യോഗസ്ഥരെക്കുറിച്ചും സുരക്ഷാ ഏജന്സികളെക്കുറിച്ചും വളരെ മോശമായ അഭിപ്രായം ജനങ്ങളുടെ ഇടയില് പ്രചരിപ്പിക്കുന്നതും അവരില് ജനങ്ങള്ക്ക് വിശ്വാസമില്ലാതാക്കാന് ശ്രമിക്കുന്നതും അരക്ഷിതാവസ്ഥ വളര്ത്തുന്നതിനുള്ള തന്ത്രമാണെന്ന് തിരിച്ചറിയണം.”
നിയമവിരുദ്ധമായ പ്രവര്ത്തനങ്ങളില് ഏര്പ്പെട്ടിരിക്കുന്ന സംഘടനകള് പരസ്യമായ പ്രവര്ത്തനങ്ങള്ക്കായി ‘ഫ്രന്റ്’ സംഘടനകള് ഉണ്ടാക്കുന്നത് ഒരു പുതിയ കാര്യമല്ല. അത്തരം സംഘടനകളുടെ പ്രവര്ത്തനം എല്ലാക്കാലത്തും പൊലീസ് സശ്രദ്ധം
വീക്ഷിച്ചുപോന്നിട്ടുണ്ട്. പൊലീസിനെ കൂടാതെ ജനങ്ങളും അവയുടെ പ്രവര്ത്തനം സശ്രദ്ധം വീക്ഷിക്കണം എന്നാവണം സന്ധ്യ ഉദ്ദേശിക്കുന്നത്. ഈ നിര്ദ്ദേശം തെറ്റാണെന്ന് പറയാനാവില്ല. അതേസമയം സശ്രദ്ധ വീക്ഷണം, ചില സംസ്ഥാനങ്ങളില് സംഭവിച്ചിട്ടുള്ളതുപോലെ, പൊലീസിന്റെ ഒത്താശയോടെ പാര്ട്ടി പ്രവര്ത്തകരും ‘ജാഗ്രതാ സമിതി’കളും നിയമം കയ്യിലെടുക്കുന്ന അവസ്ഥയിലേക്ക് നീങ്ങുന്നില്ലെന്ന് ഉറപ്പുവരുത്തേണ്ടതുണ്ട്.
ജനങ്ങള് പൊലീസിനെയും മറ്റു സുരക്ഷാ ഏജന്സികളെയും വിലയിരുത്തുന്നത് അവയുടെ പ്രവര്ത്തനങ്ങളെക്കുറിച്ച് നേരിട്ടും അല്ലാതെയും കിട്ടുന്ന അറിവിന്റെ അടിസ്ഥനത്തിലാണ്, ഏതെങ്കിലും സംഘടനകള് നടത്തുന്ന പ്രചാരണത്തിന്റെ അടിസ്ഥാനത്തിലല്ല. കാലാകാലങ്ങളില് പുറത്തുവരുന്ന ഉരുട്ടിക്കൊലകളുടെയും പീഡനങ്ങളുടെയും കഥകള്ക്കപ്പുറം ആര്, എന്ത് പ്രചരണമാണ് ഇവിടെ നടത്തുന്നത്?
സന്ധ്യ എഴുതുന്നു: “നമ്മുടേത് ഒരു ജനാധിപത്യരാജ്യമാണ്. മനുഷ്യാവകാശങ്ങള്ക്ക് നാം ഏറെ വില കല്പിക്കുന്നു.” ഈ ബോധം ഉണ്ടാവുകയും മനുഷ്യാവകാശങ്ങള് മാനിക്കുകയും ചെയ്യുന്നിടത്തോളം ഭീകരവാദികളെ രക്ഷിക്കാന് മാത്രമുള്ളവയുള്പ്പെടെ ഒരു മനുഷ്യാവകാശ സംഘടനയുടെ പ്രവര്ത്തനവും സുരക്ഷാസേനകളെ അലോസരപ്പെടുത്തേണ്ടതില്ല. മനുഷ്യാവകാശങ്ങള് മാനിക്കണമെന്നല്ലാതെ ഭീകരപ്രവര്ത്തനം തടയരുതെന്ന് ഒരു സംഘടനയും ആവശ്യപ്പെടുന്നില്ല.
Labels:
B.Sandhya,
HUMAN RIGHTS,
Police,
State terrorism
Saturday, May 31, 2008
കേരളാ പൊലീസിന്റെ പ്രതിച്ഛായ നല്ലതെന്ന് അസോസിയേഷന്
ജനങ്ങള്ക്ക് നമ്മുടെ പൊലീസിനെക്കുറിച്ച് നല്ല അഭിപ്രായമാണുള്ളതെന്ന് കേരളാ പൊലീസ് അസോസിയേഷന് നടത്തിയ ജനാഭിപ്രായ സര്വ്വേയില് കണ്ടതായി അആഓസിയേഷന്റെ മുഖപത്രമായ ‘കാവല് കൈരളി’ റിപ്പോര്ട്ട് ചെയ്യുന്നു.
മേയ് മാസത്തിലിറങ്ങിയ മാസികയുടെ രജത ജൂബിലി സമ്മേളനപ്പതിപ്പില് പ്രസിദ്ധീകരിച്ചിട്ടുള്ള ജനറ്ല് സെക്രട്ടറിയുടെ കത്തിലാണു ഇത് സംബന്ധിച്ച വിവരമുള്ളത്.
ജനറല് സെക്രട്ടറി കെ. ഭാസ്കരന് എഴുതുന്നു:
കേരളത്തിലെ 17 പൊലീസ് ജില്ലകളിലേയും നഗര സ്വഭാവമുള്ളതും ഗ്രാമീണ സ്വഭാവമുള്ളതുമായ ഓരോ പൊലീസ് സ്റ്റേഷന് വീതം തെരഞ്ഞെടുത്ത് ആകെ 34 പൊലീസ് സ്റ്റേഷനുകളിലാണ് സര്വ്വെ നടന്നത്. റ്റേഷനില് പരാതി നല്കാന് വന്നവരേയും, സാക്ഷിയായി വന്നവരേയും, വാദിയായി വന്നവരേയും, പ്രതിയായി വന്നവരേയും, സഹായിയായി വന്നവരേയും, ശുപാര്ശ ചെയ്യാന് വന്നവരേയുമെല്ലാം ഉള്പ്പെടുത്തിയാണ് സര്വ്വെ നടത്തിയത്. ഇതില് തനിയെ വന്നുപോയവരും, ആരെയെങ്കിലുംകൊണ്ട് വിളിപ്പിച്ചിട്ട് വന്നവരും, സ്റ്റേഷനിലേക്ക് വിളിച്ചുവരുത്തിയവരും സ്റ്റേഷനിലേക്ക് ആദ്യമായി വന്നുപോയവരുമുണ്ട്.
ഇങ്ങനെ ഒരു മാസക്കാലം വന്നുപോയവര് ആകെ 8327 പേരാണ്. ഇതില് 2281 പേര് പരാതി നല്കാന് വന്നവരാണ്. 2061 പേര് സഹായികളായി വന്നവരാണ്. സാക്ഷികളായി വന്നവര് 437 പേരും, പ്രതികളായി വന്നവര് 348 പേരുമാണ്. സ്റ്റേഷനില് വിവിധ ആവശ്യങ്ങള്ക്കായി വന്നുപോയ 8327 പേരില് 296 (3.6%) പേരാണ് അഴിമതിക്ക് വിധേയരായത്. ശാരീരിക പീഡനത്തിന് 121 (1.5%) പേരും, മാനസിക പീഢനത്തിന് 361 (4.3%) പേരാണ്. നാം നടത്തിയ സര്വ്വേ ഫലം വിലയിരുത്തുമ്പോള് പൊലീസ് സ്റ്റേഷനിലേക്ക് വന്നു പോകുന്നവരില് ഒരു ചെറിയ ശതമാനം മാത്രമേ അഴിമതിക്കും, ശാരീരികവും മാനസികവുമായ പീഢനങ്ങള്ക്കും അസംതൃപ്തിക്കും ഇരയാകുന്നുള്ളു. സര്വ്വേ നടന്ന കാലഘട്ടത്തിലെ ജീവനക്കാരുടെ ജാഗ്രതയും, പൊലീസിനോടുള്ള സാധ്ഗാരണ ജനങ്ങളുടെ മനോഭാവവും ചെറിയ വ്യത്യാസമുണ്ടാക്കിയേക്കാം. എന്നാലും അത് അത്ര വലുതാകില്ല. ചെറുതെങ്കിലും ഈ പോരായ്മകള് കൂടി ഇല്ലാതാക്കി സംശുദ്ധമായ പൊലീസാക്കി കേരളാ പൊലീസിനെ മാറ്റി എടുക്കാന് നമുക്കാവണം.
മേയ് മാസത്തിലിറങ്ങിയ മാസികയുടെ രജത ജൂബിലി സമ്മേളനപ്പതിപ്പില് പ്രസിദ്ധീകരിച്ചിട്ടുള്ള ജനറ്ല് സെക്രട്ടറിയുടെ കത്തിലാണു ഇത് സംബന്ധിച്ച വിവരമുള്ളത്.
ജനറല് സെക്രട്ടറി കെ. ഭാസ്കരന് എഴുതുന്നു:
കേരളത്തിലെ 17 പൊലീസ് ജില്ലകളിലേയും നഗര സ്വഭാവമുള്ളതും ഗ്രാമീണ സ്വഭാവമുള്ളതുമായ ഓരോ പൊലീസ് സ്റ്റേഷന് വീതം തെരഞ്ഞെടുത്ത് ആകെ 34 പൊലീസ് സ്റ്റേഷനുകളിലാണ് സര്വ്വെ നടന്നത്. റ്റേഷനില് പരാതി നല്കാന് വന്നവരേയും, സാക്ഷിയായി വന്നവരേയും, വാദിയായി വന്നവരേയും, പ്രതിയായി വന്നവരേയും, സഹായിയായി വന്നവരേയും, ശുപാര്ശ ചെയ്യാന് വന്നവരേയുമെല്ലാം ഉള്പ്പെടുത്തിയാണ് സര്വ്വെ നടത്തിയത്. ഇതില് തനിയെ വന്നുപോയവരും, ആരെയെങ്കിലുംകൊണ്ട് വിളിപ്പിച്ചിട്ട് വന്നവരും, സ്റ്റേഷനിലേക്ക് വിളിച്ചുവരുത്തിയവരും സ്റ്റേഷനിലേക്ക് ആദ്യമായി വന്നുപോയവരുമുണ്ട്.
ഇങ്ങനെ ഒരു മാസക്കാലം വന്നുപോയവര് ആകെ 8327 പേരാണ്. ഇതില് 2281 പേര് പരാതി നല്കാന് വന്നവരാണ്. 2061 പേര് സഹായികളായി വന്നവരാണ്. സാക്ഷികളായി വന്നവര് 437 പേരും, പ്രതികളായി വന്നവര് 348 പേരുമാണ്. സ്റ്റേഷനില് വിവിധ ആവശ്യങ്ങള്ക്കായി വന്നുപോയ 8327 പേരില് 296 (3.6%) പേരാണ് അഴിമതിക്ക് വിധേയരായത്. ശാരീരിക പീഡനത്തിന് 121 (1.5%) പേരും, മാനസിക പീഢനത്തിന് 361 (4.3%) പേരാണ്. നാം നടത്തിയ സര്വ്വേ ഫലം വിലയിരുത്തുമ്പോള് പൊലീസ് സ്റ്റേഷനിലേക്ക് വന്നു പോകുന്നവരില് ഒരു ചെറിയ ശതമാനം മാത്രമേ അഴിമതിക്കും, ശാരീരികവും മാനസികവുമായ പീഢനങ്ങള്ക്കും അസംതൃപ്തിക്കും ഇരയാകുന്നുള്ളു. സര്വ്വേ നടന്ന കാലഘട്ടത്തിലെ ജീവനക്കാരുടെ ജാഗ്രതയും, പൊലീസിനോടുള്ള സാധ്ഗാരണ ജനങ്ങളുടെ മനോഭാവവും ചെറിയ വ്യത്യാസമുണ്ടാക്കിയേക്കാം. എന്നാലും അത് അത്ര വലുതാകില്ല. ചെറുതെങ്കിലും ഈ പോരായ്മകള് കൂടി ഇല്ലാതാക്കി സംശുദ്ധമായ പൊലീസാക്കി കേരളാ പൊലീസിനെ മാറ്റി എടുക്കാന് നമുക്കാവണം.
Saturday, April 5, 2008
ജനമൈത്രി സുരക്ഷാ പദ്ധതി
പോലീസും ജനങ്ങളും തമ്മില് നല്ല ബന്ധം സ്ഥാപിച്ച് പരസ്പര വിശ്വാസം സാധ്യമാക്കുന്നതിനായി ആവിഷ്കരിച്ചിട്ടുള്ള ജനമൈത്രി സുരക്ഷാ പദ്ധതി കഴിഞ്ഞ മാസം അവസാനമാണ് ഉദ്ഘാടനം ചെയ്യപ്പെട്ടത്. ഇപ്പോള് പൈലറ്റ് പ്രോജക്റ്റ് എണ്ണ നിലയില് തെരഞ്ഞെടുക്കപ്പെട്ട ചില നഗരപ്രദേശങ്ങളിലാണ് അത് നടപ്പിലാക്കിയിട്ടുള്ളത്.
പദ്ധതിയുടെ കാതലായ അംശം ബീറ്റ് സമ്പ്രദായമാണ്. ഓരോ പോലീസ് സ്റ്റേഷനിലെയും കോണ്സ്റ്റബിള്മാര് അതിന്റെ പരിധിയില്പെടുന്ന വീടുകള് സന്ദര്ശിക്കുകയും അങ്ങനെ സ്ഥലവാസികളുമായി നിര്ബന്ധം സ്ഥാപിക്കുകയും ചെയ്യുന്നതാണ്. ഈ രീതിയിലുള്ള പ്രവര്ത്തനം പൊലീസുകാര്ക്കും നാട്ടുകാര്ക്കും അനോന്യം അറിയുന്നതിനും പരസ്പര വിശ്വാസം നേടുന്നതിനും സഹായിക്കുമെന്ന പ്രതീക്ഷയിലാണ് അധികൃതകര്.
അഡീഷണല് ഡി.ജി.പി. ജേക്കബ് പുന്നൂസ്, പദ്ധതിയുടെ നോഡല് ഓഫീസര് കൂടിയായ ഐ.ജി. ബി. സന്ധ്യ, ഐ.ജി. എ. ഹേമചന്ദ്രന്, ഫ്രാറ്റ് പ്രസിഡന്റ് ടി. കെ. ഭാസ്കര പണിക്കര്, വൈ.എം.സി.എ. പ്രസിഡന്റ് കെ.ജെ.പുന്നൂസ് എന്നിവര് പങ്കെടുത്ത ഒരു സെമിനാര് ഇന്നു വൈ.എം.സി.എ.യില് നടന്നു. പദ്ധതി ആവിഷ്കരിക്കുന്നതില് നിര്ണ്ണായകമായ പങ്ക് വഹിച്ച ആഭ്യന്തര വകുപ്പിന്റെ ചുമതലയുള്ള അഡീഷണല് ചീഫ് സെക്രട്ടറി കെ. ജെ. മാത്യു ഉദ്ഘാടനം ചെയ്തു. ഞാന് മോഡറേറ്റര് ആയിരുന്നു.
പദ്ധതി നടപ്പിലാക്കിയ പ്രദേശങ്ങളിലെ പോലീസ് സ്റ്റേഷനുകളുമായി ബന്ധപ്പെട്ടത്തില് നിന്നു അത് നല്ല പ്രതികരണം ഉണ്ടാക്കിയെന്ന് മനസ്സിലാക്കാമെന്നു ഡോ. സന്ധ്യ പറഞ്ഞു.
ഒന്നര നൂറ്റാണ്ടു മുമ്പ് ജന്മം കൊണ്ട പോലീസ് സേനയുടെ ഫ്യൂഡല് കൊളോണിയല് പാരമ്പര്യം അതിനെ പിന്നോട്ട് വലിക്കുന്ന ഘടകമാണ്. ഉയര്ന്ന വിദ്യാഭ്യാസ നിലവാരമുള്ള പോലീസുകാരും ജനങ്ങളുമുള്ള സാഹചര്യത്തില് ജനസൌഹൃദ പോലീസ് എന്ന സങ്കല്പം ഏതെങ്കിലും സംസ്ഥാനത്ത് യാഥാര്ത്ഥ്യം ആക്കാന് കഴിയുമെങ്കില് അത് ഇവിടെയാണ്.
പദ്ധതിയുടെ കാതലായ അംശം ബീറ്റ് സമ്പ്രദായമാണ്. ഓരോ പോലീസ് സ്റ്റേഷനിലെയും കോണ്സ്റ്റബിള്മാര് അതിന്റെ പരിധിയില്പെടുന്ന വീടുകള് സന്ദര്ശിക്കുകയും അങ്ങനെ സ്ഥലവാസികളുമായി നിര്ബന്ധം സ്ഥാപിക്കുകയും ചെയ്യുന്നതാണ്. ഈ രീതിയിലുള്ള പ്രവര്ത്തനം പൊലീസുകാര്ക്കും നാട്ടുകാര്ക്കും അനോന്യം അറിയുന്നതിനും പരസ്പര വിശ്വാസം നേടുന്നതിനും സഹായിക്കുമെന്ന പ്രതീക്ഷയിലാണ് അധികൃതകര്.
അഡീഷണല് ഡി.ജി.പി. ജേക്കബ് പുന്നൂസ്, പദ്ധതിയുടെ നോഡല് ഓഫീസര് കൂടിയായ ഐ.ജി. ബി. സന്ധ്യ, ഐ.ജി. എ. ഹേമചന്ദ്രന്, ഫ്രാറ്റ് പ്രസിഡന്റ് ടി. കെ. ഭാസ്കര പണിക്കര്, വൈ.എം.സി.എ. പ്രസിഡന്റ് കെ.ജെ.പുന്നൂസ് എന്നിവര് പങ്കെടുത്ത ഒരു സെമിനാര് ഇന്നു വൈ.എം.സി.എ.യില് നടന്നു. പദ്ധതി ആവിഷ്കരിക്കുന്നതില് നിര്ണ്ണായകമായ പങ്ക് വഹിച്ച ആഭ്യന്തര വകുപ്പിന്റെ ചുമതലയുള്ള അഡീഷണല് ചീഫ് സെക്രട്ടറി കെ. ജെ. മാത്യു ഉദ്ഘാടനം ചെയ്തു. ഞാന് മോഡറേറ്റര് ആയിരുന്നു.
പദ്ധതി നടപ്പിലാക്കിയ പ്രദേശങ്ങളിലെ പോലീസ് സ്റ്റേഷനുകളുമായി ബന്ധപ്പെട്ടത്തില് നിന്നു അത് നല്ല പ്രതികരണം ഉണ്ടാക്കിയെന്ന് മനസ്സിലാക്കാമെന്നു ഡോ. സന്ധ്യ പറഞ്ഞു.
ഒന്നര നൂറ്റാണ്ടു മുമ്പ് ജന്മം കൊണ്ട പോലീസ് സേനയുടെ ഫ്യൂഡല് കൊളോണിയല് പാരമ്പര്യം അതിനെ പിന്നോട്ട് വലിക്കുന്ന ഘടകമാണ്. ഉയര്ന്ന വിദ്യാഭ്യാസ നിലവാരമുള്ള പോലീസുകാരും ജനങ്ങളുമുള്ള സാഹചര്യത്തില് ജനസൌഹൃദ പോലീസ് എന്ന സങ്കല്പം ഏതെങ്കിലും സംസ്ഥാനത്ത് യാഥാര്ത്ഥ്യം ആക്കാന് കഴിയുമെങ്കില് അത് ഇവിടെയാണ്.
Wednesday, February 27, 2008
പീഡനത്തിനും അഴിമതിക്കും മാതൃക
ഫെബ്രുവരി 13നു പശ്ചിമ ബംഗാള് മുഖ്യമന്ത്രി ബുദ്ധദേബ് ഭട്ടാചാര്യ മൂര്ഷിദബാദ് ജില്ലയിലെ ജാലങ്ങി പോലീസ് സ്റ്റേഷന് മാതൃകാ പോലീസ് സ്റ്റേഷന് ആയി പ്രഖ്യാപിച്ചു.
ഫെബ്രുവരി 17 ലെ The Statesman പത്രത്തില് റജീബ് ചക്രവര്ത്തി എന്ന റിപ്പോര്ട്ടര് എഴുതി: ഈ 'ഏറ്റവും നല്ല' പോലീസ് സ്റ്റേഷനിലെ ഉദ്യോഗസ്ഥന്മാര്ക്കെതിരെയുള്ള മനുഷ്യാവകാശലംഘന പരാതികളുടെ എണ്ണം 2007 ല് ഇരട്ടിച്ച വസ്തുത മുഖ്യമന്ത്രി അറിഞ്ഞിരിക്കില്ല.
സംസ്ഥാന മനുഷ്യാവകാശ കമ്മിഷന് 2007 ല് ഈ പോലീസ് സ്റ്റേഷനെതിരെ 25 പരാതികള് ലഭിച്ചിരുന്നു. ഇതില് 21 എണ്ണം മാനബധികാര് സുരക്ഷാ മഞ്ച (മസും) എന്ന മനുഷ്യാവകാശ സംഘടന നല്കിയവയാണ്. (റിപ്പോര്ട്ട് ഇവിടെ വായിക്കാം. )
മസും സംഘടനയുടെ നേതാവായ കിരിറ്റ് റോയ് പറഞ്ഞു: ജാലങ്ങി പോലീസ് സ്റ്റേഷനില് നിന്നു നിരവധി പീഡന കേസുകള് റിപ്പോര്ട്ട് ചെയ്യപ്പെട്ടിട്ടുണ്ട്. അവിടെ അഴിമതിയും കൂടുതലാണ്. ഇതാണ് മാതൃകാ പോലീസ് സ്റ്റേഷനിലെ അവസ്ഥയെങ്കില് സംസ്ഥാനത്തെ മറ്റു പോലീസ് സ്റ്റേഷനുകളിലെ അവസ്ഥ ഊഹിക്കാവുന്നതേയുള്ളു.
ഫെബ്രുവരി 17 ലെ The Statesman പത്രത്തില് റജീബ് ചക്രവര്ത്തി എന്ന റിപ്പോര്ട്ടര് എഴുതി: ഈ 'ഏറ്റവും നല്ല' പോലീസ് സ്റ്റേഷനിലെ ഉദ്യോഗസ്ഥന്മാര്ക്കെതിരെയുള്ള മനുഷ്യാവകാശലംഘന പരാതികളുടെ എണ്ണം 2007 ല് ഇരട്ടിച്ച വസ്തുത മുഖ്യമന്ത്രി അറിഞ്ഞിരിക്കില്ല.
സംസ്ഥാന മനുഷ്യാവകാശ കമ്മിഷന് 2007 ല് ഈ പോലീസ് സ്റ്റേഷനെതിരെ 25 പരാതികള് ലഭിച്ചിരുന്നു. ഇതില് 21 എണ്ണം മാനബധികാര് സുരക്ഷാ മഞ്ച (മസും) എന്ന മനുഷ്യാവകാശ സംഘടന നല്കിയവയാണ്. (റിപ്പോര്ട്ട് ഇവിടെ വായിക്കാം. )
മസും സംഘടനയുടെ നേതാവായ കിരിറ്റ് റോയ് പറഞ്ഞു: ജാലങ്ങി പോലീസ് സ്റ്റേഷനില് നിന്നു നിരവധി പീഡന കേസുകള് റിപ്പോര്ട്ട് ചെയ്യപ്പെട്ടിട്ടുണ്ട്. അവിടെ അഴിമതിയും കൂടുതലാണ്. ഇതാണ് മാതൃകാ പോലീസ് സ്റ്റേഷനിലെ അവസ്ഥയെങ്കില് സംസ്ഥാനത്തെ മറ്റു പോലീസ് സ്റ്റേഷനുകളിലെ അവസ്ഥ ഊഹിക്കാവുന്നതേയുള്ളു.
Subscribe to:
Posts (Atom)