ചൈന അഴിമതിവിരുദ്ധ നടപടികൾ ശക്തിപ്പെടുത്തുന്നു

ചില പ്രദേശങ്ങളിലും വകുപ്പുകളിലും ഗുരുതര പ്രശ്നമായി തുടരുന്ന അഴിമതിക്കെതിരായ നടപടികൾ ശക്തിപ്പെടുത്തുമെന്ന് ചൈനയുടെ പ്രധാനമന്ത്രി വെൻ ജിയാബാഒ സർക്കാർ പ്രവർത്തനങ്ങൾ സംബന്ധിച്ച് ഇന്നലെ നൽകിയ ഒരു റിപ്പോർട്ടിൽ പറഞ്ഞു.

ചൈനയിലെ പാർലമെന്റംഗവും ഷാഒസിങ് സർവകലാശാലാ കമ്മ്യൂണിസ്റ്റ് പാർട്ടി സെക്രട്ടറിയുമായ വാങ് ജിആൻഹുവ മാവോയുടെ ജന്മദിനം ദേശീയ അഴിമതിവിരുദ്ധ ദിനമായി ആചരിക്കണമെന്ന് നിർദ്ദേശിച്ചു.

ഡിസംബർ 26 ആണ് മാവോയുടെ ജന്മദിനം. അത് ഏറ്റവുമധികം കോഴ കൊടുക്കലും വാങ്ങലും നടക്കുന്ന പുതുവത്സരാഘോഷങ്ങൾക്കു മുമ്പ് വരുന്നതുകൊണ്ട് അഴിമതിക്കെതിരെ ജാഗ്രത പാലിക്കാനുള്ള ഓർമ്മപ്പെടുത്തലിന് പറ്റിയ സമയമാണെന്ന് വാങ് പറഞ്ഞു.

കമ്മ്യൂണിസ്റ്റ് പാർട്ടിയുടെ നിയന്ത്രണത്തിലുള്ള ഔദ്യോഗിക വാർത്താ ഏജൻസിയായ ന്യൂ ചൈന ന്യൂസ് ഏജൻസിയുടെ റിപ്പോർട്ടിൽ നിന്നാണ് മുകളിൽ കൊടുത്തിട്ടുള്ള വിവരങ്ങൾ എടുത്തിട്ടുള്ളത്. നേപാളിലെ മാവോയിസ്റ്റ് പാർട്ടിയുടെ പ്രസിദ്ധീകരണമായ Red Starൽ റിപ്പോർട്ടിന്റെ പൂർണ്ണ രൂപം കാണാം.

അഴിമതി റിപ്പോറ്ട്ട് ചെയ്ത ലേഖകന് കുത്തേറ്റു

കഴക്കൂട്ടം ആര്.ടി.ഓ, ആപ്പീസിലെ അഴിമതിയെക്കുറിച്ച് വെള്ളീയാഴ്ചത്തെ മലയാള മനോരമയില് ഒരു റിപ്പോര്ട്ട് ഉണ്ടായിരുന്നു. അതെഴുതിയ റിപ്പോര്ട്ടറ് രാജേന്ദ്രനെ ഗൂണ്ടകള് അന്നുതന്നെ ആക്രമിച്ചു.

കുത്തേറ്റ രാജേന്ദ്രന് ഇപ്പോള് ഗുരുതരമായ പരിക്കുകളോടെ ആശുപത്രിയിലാണ്.
എന്തുകൊണ്ടൊ പത്രപ്രവര്ത്തക യൂണിയന് ഇതുവരെ പ്രതികരിച്ചുകണ്ടില്ല.