പീഡനത്തിനും അഴിമതിക്കും മാതൃക

ഫെബ്രുവരി 13നു പശ്ചിമ ബംഗാള്‍ മുഖ്യമന്ത്രി ബുദ്ധദേബ് ഭട്ടാചാര്യ മൂര്‍ഷിദബാദ് ജില്ലയിലെ ജാലങ്ങി പോലീസ് സ്റ്റേഷന്‍ മാതൃകാ പോലീസ് സ്റ്റേഷന്‍ ആയി പ്രഖ്യാപിച്ചു.

ഫെബ്രുവരി 17 ലെ The Statesman പത്രത്തില്‍ റജീബ് ചക്രവര്‍ത്തി എന്ന റിപ്പോര്‍ട്ടര്‍ എഴുതി: ഈ 'ഏറ്റവും നല്ല' പോലീസ് സ്റ്റേഷനിലെ ഉദ്യോഗസ്ഥന്മാര്‍ക്കെതിരെയുള്ള മനുഷ്യാവകാശലംഘന പരാതികളുടെ എണ്ണം 2007 ല്‍ ഇരട്ടിച്ച വസ്തുത മുഖ്യമന്ത്രി അറിഞ്ഞിരിക്കില്ല.

സംസ്ഥാന മനുഷ്യാവകാശ കമ്മിഷന് 2007 ല്‍ ഈ പോലീസ് സ്റ്റേഷനെതിരെ 25 പരാതികള്‍ ലഭിച്ചിരുന്നു. ഇതില്‍ 21 എണ്ണം മാനബധികാര്‍ സുരക്ഷാ മഞ്ച (മസും) എന്ന മനുഷ്യാവകാശ സംഘടന നല്കിയവയാണ്. (റിപ്പോര്‍ട്ട് ഇവിടെ വായിക്കാം. )

മസും സംഘടനയുടെ നേതാവായ കിരിറ്റ്‌ റോയ് പറഞ്ഞു: ജാലങ്ങി പോലീസ് സ്റ്റേഷനില്‍ നിന്നു നിരവധി പീഡന കേസുകള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. അവിടെ അഴിമതിയും കൂടുതലാണ്. ഇതാണ് മാതൃകാ പോലീസ് സ്റ്റേഷനിലെ അവസ്ഥയെങ്കില്‍ സംസ്ഥാനത്തെ മറ്റു പോലീസ് സ്റ്റേഷനുകളിലെ അവസ്ഥ ഊഹിക്കാവുന്നതേയുള്ളു.

ബംഗാളില്‍ ഭരണമുന്നണിയിലെ ഘടകകക്ഷിയുടെ ബന്ദ്

മുപ്പതില്‍ പരം കൊല്ലങ്ങളായി പശ്ചിമ ബംഗാള്‍ ഭരിക്കുന്ന ഇടതു മുന്നണിയിലെ ഒരു ഘടക കക്ഷിയായ ഫോര്‍വേഡ് ബ്ലൊക് ആഹ്വാനം ചെയ്ത ബന്ദ് ഇന്നു ജനജീവിതം സ്തംഭിപ്പിച്ചു.

ഇതു സംബന്ധിച്ച ഒരു വാര്‍ത്താ ഏജന്‍സിയുടെ റിപ്പോര്ട്ട് ഇവിടെ.

ബ്ലോഗര്‍മാരുടെ റിപ്പോര്‍ട്ടുകള്‍ ഇവിടെ